अनलाईन न्युजपाटी,हेटौँडा,समाचारदाता असोज ४ गते।
मकवानपुर प्रहरीले अवैधरुपमा खयरको गोलिया लोड भएको स्कार्पियोसहित २ जनालाई पक्राउ गरेको छ । इलाका प्रहरी कार्यालय पशुपतिनगरबाट खटिएको प्रहरी टोलीले हेटौँडा १५, रातोमाटेमा पथलैयाबाट हेटौँडातर्फ आउँदै गरेको बा १० च २७०६ नम्बरको स्कार्पियोलाई रोकी चेकजाँच गर्दा ५० वटा खयरको गोलियासहित २ जनालाई पक्राउ गरिएको जिल्ला प्रहरी कार्यालय मकवानपुरका प्रहरी उपरीक्षक मुकेशकुमार सिंहले अनलाईन न्युजपाटीलाई बताएका छन् ।पक्राउ परेका स्कार्पियो चालक बर्दिया जिल्लाका सैनिवार ६ का २७ वर्षीय अमित शाह र मकवानपुर बकैया १ का ३२ वर्षीय चक्रबहादुर योञ्जनमाथि आवश्यक अनुसन्धान भइरहेको प्रहरीले जनाएको छ । बरामद खयर डिभिजन वन कार्यालय मकवानपुरमा पठाउने तयारी भइरहेको प्रहरीले जनाएको छ।