अनलाईन न्युजपाटी, नेपालगंज ,समाचारदाता ,असोज ५ गते ।
चार किलो अफिमसहित प्रहरीले नेपालगञ्जबाट तीन जनालाई पक्राउ गरेको छ । प्रदेश नं ५ प्रहरी ब्यूरोको टोलीले नेपालगञ्जको न्यूरोडस्थित कान्तिपुर गेष्टहाउसबाट उनीहरुलाई पक्राउ गरेको हो ।ब्यूरोका प्रहरी निरीक्षक प्रमोद क्षेत्रीका अनुसार पक्राउ पर्नेमा जाजरकोटको डाँडागाउँका २८ वर्षीय बालकृष्ण थापा, २६ वर्षीय डम्बर थापा र रोल्पाको थवाङ गाउँपालिकाका २७ वर्षीय दुख रोकाय रहेका छन् ।बरामद गरिएको अफिमसहित तीनै जनालाई थप अनुसन्धानका लागि जिल्ला प्रहरी कार्यालय बाँके पठाइएको छ ।