अनलाईन न्युजपाटी,सप्तरी,समाचारदाता, कार्तिक २५ गते।
सप्तरीमा प्रतिबन्धित लागुऔषध ५ किलो गाँजा बरामद भएको छ । सप्तरीको हनुमाननगर कङ्कालिनी नगरपालिका १ स्थित कोशी ब्यारेजबाट आइतबार उक्त परिमाणको प्रतिबन्धित लागुऔषध गाँजा बरामद भएको हो ।सशस्त्र प्रहरी बल नेपाल सुरक्षा वेश भारदहबाट खटेको टोलीले सो गाँजा बरामद गरेको जनाएको छ ।सशस्त्र प्रहरीलाई देखेपछि गाँजा बोकेको तस्कर फरार भएका छन् । बरामद प्रतिबन्धित लागुऔषध गाँजा आवश्यक कारवाहीका लागि इलाका प्रहरी कार्यालय भारदहमा बुझाइएको सशस्त्र प्रहरीले जनाएको छ ।