अनलाईन न्युजपाटी,सुर्खेत,समाचारदाता,फाल्गुन१० गते।
भेरिगंगा–११ स्थित तल्लो बराहस्थित झोलुंगे पुल निर्माण कार्य सम्पन्न पछि भुक्तानीमा सहजीकरण गरिदिने भन्दै सेवाग्राहीसँग सुर्खेतको भेरीगंगा नगरपालिकाको एक जना खानेपानी तथा सरसफाइका प्राविधिक कर्मचारीलाई २ लाख रुपैयाँ घुससहित अख्तियारले पक्राउ गरेको छ । नगरपालिकामा कार्यरत प्राविधिक चित्रबहादुर केसीलाई अख्तियार दुरुपयोग अनुसन्धान आयोगको टोलीले पक्राउ गरेको हो। उनलाई भेरीगंगा नगरपालिका १०, मदानीचौरस्थित उन्नति टोलबाट पक्राउ गरेको अख्तियारले बताएको छ । अख्तियारले केसीमाथि अनुसन्धान सुरु गरेको जनाएको छ।