अनलाईन न्युजपाटी,एजेन्सी,समाचारदादाता,माघ २८ गते।
दिल्लीमा फेरि एक पटक आम आदमी पार्टीले प्रचण्ड बहुमतका साथ सरकार बनाउने निश्चित भएको छ ।दिल्ली विधानसभा चुनावको पूरा परिणाम आइसकेको छैन तर प्रारम्भिक मतपरिणामअनुसार आम आदमी पार्टीले ७० सिटमध्ये ५८ सिटमा अग्रता बनाएको छ । दिल्लीमा सरकार बनाउन ३५ सिट आवश्यक पर्छ । भारतीय जनता पार्टी १२ सिटमा अगाडि रहेको छ। कांग्रेस भने एक सिटमा पनि अगाडि छैन। ७० सिट रहेको दिल्ली विधानसभाको चुनाव फेब्रुअरी ८ मा भएको थियो।मुख्यमन्त्री केजरीवाल नई दिल्ली विधानसभा सिटबाट करिब ८ हजार मतले अगाडि रहँदा उपमुख्यमन्त्री मनिष सिसोदिया भने पटपडगञ्जबाट एक हजार मतले पछाडि रहेका छन्। यहाँ चौथो चरणको मात्रै मतगणना भएको छ।यहाँ अझै १४ चरणको मतगणना बाँकी रहेको छ।