अनलाईन न्युजपाटी बैतडी,समाचारदाता,माघ २५ गते।
बैतडीमा बाबुले गोली हानी छोरीको हत्या गरेका छन् ।
पुर्चौंडी नगरपालिका–१० का ५५ वर्षीय धनसिंह महराले आफ्नी छोरी २० विनिता महरा धामीमाथि गोली हानी हत्या गरेका हुन् ।
छोरीलाई गोली हानेर महरा जंगलतिर भागेका पुरघाट प्रहरीचौकीले जनाएको छ । प्रहरीको टोली घटनास्थलतर्फ गएको पुरघाट प्रहरीचौकीले बताएको छ ।
विवाहित छोरी एक महिनादेखि माइतमै बसिरहेकी बुझिएको छ । प्रहरी निरीक्षकका अनुसार महराले श्रीमतीसँग भएको विवादका क्रममा माइतीघरमा आएकी छोरीमाथि गोली चलाएका थिए । महराको खोजीकार्य तिब्र पारीएको प्रहरीले जनाएको छ ।