अनलाईन न्युजपाटी,काठमाडौँ ,समाचारदाता,बैसाख ११ गते।
नयाँ धरहरा आज प्रधानमन्त्री केपी ओलीले उदघाटन गर्ने भएका छन ।
२०७२ को भूकम्पले भत्किएपछि पुनर्निर्माण गरिएको धरहरा आज उदघाटन गरिँदै छ ।
उदघाटन कार्यक्रममा सीमित व्यक्तिहरुमात्र रहने छन् । कोरोना संक्रमणको जोखिमका कारण उदघाटन समारोहमा कसैलाई पनि नबोलाइएको राष्ट्रिय पुनर्निर्माण प्राधिकरणले जनाएको छ ।
भूकम्पले भत्काएको धरहराको संरचनाको पुनर्निर्माण सम्पन्न भएपनि बाँकी संरचनाहरूको पुननिर्माण कार्य बाँकी छ । कोरोना तथा लकडाउनलगायतका कारण धरहरा निर्माण सम्पन्न हुने समय आगामी २५ डिसेम्बरसम्म थप गरिएको छ ।
धरहराको उद्घाटन आज गरिए पनि तत्काल अवलोकन गर्न भने पाइने छैन ।