अनलाईन न्युजपाटी,काठमाडौँ,समाचारदाता,साउन १४ गते।
६५ किलो गाँजासहित दुई जनालाई मकवानपुरबाट प्रहरीले पक्राउ गरेको छ।
पक्राउ पर्नेमा भरतपुर महानगरपलिका-२० का ३८ वर्षीय रोशन परियार र मकवानपुर राक्सिराङ गाउँपालिका-६ का ४३ वर्षीय ललित तामाङ छन्।
प्रहरीले बिहीबार हेटौंडा उपमहानगरपालिका-१९ स्थित सडक खण्डबाट बा११च ९५०९ नम्बरको गाडीबाट गाँजा बरामद गरेको हो।
प्रहरी उपरीक्षकका अनुसार सवारी, गाँजा र पक्राउ व्यक्तिलाई जिल्ला प्रहरी कार्यालय ल्याइएको छ। पक्राउ परेकालाई लागुऔषध मुद्दामा अनुसन्धान थालिएको छ।