प्रधानमन्त्री नरेन्द्र मोदी द्धारा संविधान दिवसको अवसरमा शुभकामना व्यक्त

अनलाईन न्युजपाटी,काठमाडौँ,समाचारदाता,असोज ३ गते।

भारतका प्रधानमन्त्री नरेन्द्र मोदीले नेपालको संविधान एवं राष्ट्रिय दिवसको अवसरमा शुभकामना व्यक्त  गरेका छन् ।

प्रधानमन्त्री शेरबहादुर देउवालाई शुभकामना सन्देश पठाउँदै प्रधानमन्त्री मोदीले नेपाली जनताका साथै प्रधानमन्त्री देउवाप्रति बधाई ज्ञापन गरेका हुन् ।

संस्कृतिको सुदृढ सूत्र, पारस्परिक सम्पर्क र जनता–जनताबीचको सम्बन्धले भारत र नेपाललाई जोडेको बताउँदै उनले सन्देशमा दुवै देशबीचको अनुपम एवम् विशेष साझेदारीयुक्त समान सम्बन्ध विश्वका केही देशबीचमात्र रहेको उल्लेख गरेका छन् ।

अकल्पनीय कोभिडको महामारीबाट मुक्त हुनेतर्फ विश्व अग्रसर भइरहेको अहिलेको अवस्थामा महामारीका कारण सिर्जित चुनौतीको सामना गर्न नेपाललाई भारतबाट निरन्तर एवम् अविचलित सहयोग हुने प्रतिबद्धता प्रधानमन्त्री मोदीले सन्देशमा भनेका छन् ।

Leave a Reply

Your email address will not be published. Required fields are marked *