अनलाईन न्युजपाटी बिरगंज,समाचारदाता,जेठ ३१ गते।
अबैध रुपमा भारतबाट नेपाल तर्फ ल्याउँदै गरेको ११३ गोटा कछुवा सहित पर्साबाट एकजनालाई प्रहरीले पक्राउ गरेको छ ।
पक्राउ पर्नेमा बाराको कलैया उपमहानगरपालिका–७ का ४५ वर्षीय आनन्दलाल टेमानी रहेको जिल्ला प्रहरी कार्यालय पर्साले जनाएको छ ।
वीरगञ्ज महानगरपालिका १६ ईनर्वागाउँको बाटो हुँदै अवैधरूपमा वन्यपशुपन्क्षी कछुवा ११३ गोटा भारतबाट नेपालतर्फ ल्याउँदै गरेको सूचनाको आधारमा भारतीय नम्बर प्लेटको मोटरसाईकल रोकी चेकजाँच गर्दा मेमानीलाई पक्राउ गरिएको हो ।
नेमानीलाई भारतीय नम्बरको मोटरसाइकल र कछुवा सहित नियन्त्रणमा लिएर आवश्यक कारवाहीका लागि डिभिजन वन कार्यालय वीरगञ्ज पर्सामा बुझाइएको छ ।