नेपाली कांग्रेसका नेता प्रदीप गिरिको निधन

अनलाईन न्युजपाटी ,काठमाडौँ,समाचारदाता,भदौ ५ गते।  

नेपाली कांग्रेसका नेता प्रदीप गिरिको शनिबार साँझ ९:३० बजे निधन भएको छ ।

७५ वर्षको उमेरमा नेता गिरिको उपचारको क्रममा ललितपुरको नख्खु स्थित मेडिसिटी अस्पतालमा निधन भएको हो ।

गिरिको स्वास्थ्यमा समस्या देखिएपछि साउन दोस्रो साता मेडिसिटी अस्पताल, नख्खुमा भर्ना भएका थिए । पछिल्ला घण्टाहरुमा निमोनिया फैलिँदै गएर शरीरका अंगहरुले काम गर्न छाड्दै गएको थियो ।

उनको पार्थिव शरीरलाई आज विहान ९ बजेदेखि ११ बजेसम्म अस्पताल परिसरमै श्रद्धान्जलीका लागि राखिनेछ । विहान साढे ११ देखि २ बजेसम्म पार्टी कार्यालय सानेपामा राख्ने र पशुपति आर्यघाटमा अन्त्येष्टि गरिने छ ।

Leave a Reply

Your email address will not be published. Required fields are marked *