भारतले हङकङलाई ४० रनले हराउँदै एसिया कपको सुपर चारमा पुग्यो

अनलाईन न्युजपाटी ,एजेन्सी समाचारदाता,भदौ १६ गते।

भारतले हङकङलाई ४० रनले हराउँदै एसिया कपको सुपर चारमा पुगेको छ।

भारतले दिएको १९३ रनको विशाल लक्ष्य पछ्याएको हङकङले निर्धारित २० ओभरमा ५ विकेट गुमाउँदै १५२ रन मात्र बनाउन सक्यो।

भारतका लागि बाबर हायातले ३५ बलमा ३१ तथा किन्चित शाहले २८ बलमा ३० रन बनाए । बलिङतर्फ भारतका लागि भुवनेश्वर कुमार, आबेश खान, रविन्द्र जडेजा र अर्शदिप सिंहले समान एक/एक विकेट लिए ।

यसअघि पहिले ब्याटिङ गरेको भारतले २० ओभरमा २ विकेट गुमाएर १९२ रन बनायो । भारतका लागि सुर्यकुमार यादव र विराट कोहलीले अर्धशतकीय पारी खेले ।  यादवले ६८ रन बनाउँदा कोहलीले ५९ रनको योगदान गरे । त्यस्तै केएल राहुलले ३६ तथा रोहित शर्माले २१ रन बनाए । बलिङतर्फ हङकङका लागि अयुस शुक्ला र मोहम्मद घजान्फरले समान एक/एक विकेट लिए ।

Leave a Reply

Your email address will not be published. Required fields are marked *