विश्वकप फुटबलमा साउदी अरेबियाको जितको खुसीमा साउदीमा आज सार्वजनिक विदा

अनलाईन न्युजपाटी ,एजेन्सी समाचारदाता,मंसिर ७ गते। 

विश्वकप फुटबलमा मंगलबार भएको खेलमा अर्जेन्टिना साउदी अरेबियासँग २–१ गोलको अन्तरले पराजित भएको हो ।

अर्जेन्टिनाका लागि १० औं मिनेटमा लियोनल मेस्सीले पेनाल्टीमा गोल गर्दै अग्रत लिएपनि पछि उनको टोलीले एक गोल पनि गर्न सकेन ।

साउदी अरेबियाको जितको खुसीमा राजा सलमानले बुधबार बिदाको घोषणा गरेका छन् । यो बिदा सरकारी तथा निजी क्षेत्रका सबै कर्मचारी र विद्यार्थीका लागि हो ।

साउदी अरेबियालाई अर्जेन्टिनाविरुद्ध पहिलो पटक जित दिलाउन सालेह अल शेहरी र सालेम अल दावसरीले गोल गरेका थिए ।

ऐतिहासिक जितपछि साउदीमा बुधबार सबैखाले कामदारलाई छुट्टी दिइने छ ।

विश्वकपमा साउदी अरेबियाले चौथो जित निकाल्दा अर्जेन्टिनाको भने लगातार ३६ खेलमा अपराजित यात्रा टुङ्गिएको छ ।

Leave a Reply

Your email address will not be published. Required fields are marked *