बेलायतमा कोभिड सम्बन्धि सबै प्रतिबन्धहरु हटाईदै

अनलाईन न्युजपाटी,ऐजेंसी,समाचारदाता, फाल्गुन १० गते। 

बेलायतमा कोभिड सम्बन्धि सबै प्रतिबन्धहरु हटाउने भएको छ।

बेलायती प्रधानमन्त्री बोरिस जोन्सनले सोमबार साँझको पत्रकार सम्मेलनमा उक्त कुराको पुष्टि गरेका हुन् । उनले कोरोना संक्रमण पुष्टि भएका मानिसले इमान्दारीपूर्वक घरमा नै आइसोलेसनमा बस्नुपर्ने बताए।

आउँदो बिहीबारदेखि कोरोना संक्रमित भएपनि आइसोलेशन बस्न पर्ने कानूनी बाध्यता रहने छैन ।

यसैगरी हाल लागू गरिएको भ्याक्सिन पासपोर्ट पनि खारेज हुने भएको छ । हाल निशुल्क रुपमा उपलब्ध गराउँदै आएको कोरोना परीक्षणको व्यवस्था पनि हटाइने भएको छ । तर, जोखिममा रहेका ८० वर्ष माथि उमेर भएका र केयर होममा रहेका  मानिसको हकमा उक्त नियम यथावत नै रहनेछ ।

ओमिक्रोनको पिक समय सकिएकाले सर्वसाधारणले आफैले आफ्नो जिम्मेवारी बहन गर्न प्रधानमन्त्रीले आग्रह गरेका छन् । महामारीको अन्त भएको छैन, भाइरस अझै कायमै रहेकाले आफ्नो सुरक्षा आफैले सावधानीपूर्वक गर्न पनि उनको अनुरोध छ ।

Leave a Reply

Your email address will not be published. Required fields are marked *