बेलायतकी महारानी एलिजाबेथ द्वितीयको निधन

अनलाईन न्युजपाटी ,एजेन्सी समाचारदाता,भदौ २४ गते।

बेलायतकी महारानी एलिजबेथ द्वितियको ९६ वर्षको उमेरमा निधन भएको छ ।

उनको स्कटल्यान्डस्थित बालमोरल दरबारमा बिहीबार निधन भएको बेलायती सञ्चार माध्यमहरुले जनाएका छन् ।

उनी बेलायतसँगै अन्य १४ वटा कमनवेल्थ देशको राष्ट्रप्रमुखका रुपमा रहेकी थिइन् ।

उनी विश्वमै पनि लामो समयसम्म सत्तामा रहने शासकको सूचीमा फ्रान्सका लुइस १४औं पछि दोस्रो स्थानमा परेकी छन् ।

त्यस्तै उनी बेलायतमा भने सबैभन्दा लामो समय शासन गर्ने राष्ट्राध्यक्षका रुपमा स्थापित भएकी छन् ।

उनको जन्म सन् १९२६ अप्रिल २१ मा लन्डनको माइफेरमा भएको थियो । पिताको निधनपछि सन् १९५२ फेब्रुअरी ६ मा २५ वर्षको उमेरमा उनले राजगद्दी आरोहण गर्ने अवसर पाएकी थिइन ।

उनको सत्तारोहणको बेला दोस्रो विश्वयुद्धपछि बेलायत आर्थिक तथा राजनीतिक रूपमा तंग्रिने प्रयासमा थियो ।

उनले करिब १२० देशको भ्रमण गरेकी छन् । एलिजाबेथ संसारकै सबैभन्दा धेरै यात्रा गर्ने राष्ट्राध्यक्षको कीर्तिमान राखेकी राखिसकेकी थिइन् ।

 

Leave a Reply

Your email address will not be published. Required fields are marked *