अनलाईन न्युजपाटी ,काठमाडौँ,समाचारदाता,जेठ १९ गते।
प्रधानमन्त्री पुष्पकमल दाहाल प्रचण्ड आज मध्यप्रदेशको इन्दोर जाँदैछन् ।
उहाँ नयाँदिल्लीबाट दिउँसो एक बजे इन्दोर पुग्ने र होटल मेरियटमा बस्ने भ्रमण तालिकामा उल्लेख छ ।
मध्य प्रदेशको उज्जैनमा महाकालेश्वरको मन्दिरमा पूजा गर्ने कार्यक्रम छ । उहाँले इन्दोरमा रहेको फोहर व्यवस्थापन प्लान्टको भ्रमण गर्ने पनि कार्यक्रम छ । आज बेलुका उहाँ मध्यप्रदेशका मुख्यमन्त्री शिवराजसिंह चौहानले आयोजना गर्ने रात्रिभोजमा सहभागी हुनुहुनेछ ।
प्रधानमन्त्री प्रचण्ड भोलि इन्दोरमा रहेको विशेष आर्थिक क्षेत्रको भ्रमण गरी नयाँदिल्ली फर्किने र त्यहाँबाट बेलुका स्वदेश आइपुग्ने कार्यक्रम छ ।