अनलाईन न्युजपाटी ,जनकपुरधाम,समाचारदाता,फागुन १८ गते
मिथिला माध्यमिकी परिक्रमा आज चौथो दिन आज महोत्तरीको मटिहानी पुगेको छ।
धनुषाको कचुरीस्थित मिथिला विहारी मठबाट सुरु भएको मिथिला विहारीको डोलाको नेतृत्वमा आएका हजारौं परिक्रमाका यात्रुहरु भारतको कलना, फुलहर, करुणा र विसौल हुँदै महोत्तरीको मटिहानी आई पुगेका हुन्।
मटिहानी नगरमा आइतबारका लागि सार्वजनिक बिदा दिइएको छ । मिथिला माध्यमिकी परिक्रमा यस भेगको सांस्कृतिक तथा धार्मिक उत्सव भएको हुँदा आफ्नो ठाउँमा आइपुग्ने यात्री र अतिथिको स्वागतमा सबैको सहभागिता हुन सकोस् भन्ने उद्देश्यले सार्वजनिक बिदा दिँदै आएको नगर प्रमुख हरिप्रसाद मण्डलले जानकारी दिए । मिथिला माध्यमिकी परिक्रमाको ‘डोला’का साथ यस यात्राका सहभागी यात्री आइतबार मटिहानीमा विश्राम गर्नेछन् ।