अनलाईन न्युजपाटी नेपालगंज,समाचारदाता, जेठ १९ गते
लकडाउनका कारण भारतबाट फर्किने नेपालीलाई लिएर सल्यानतर्फ हिंडेको यात्रुबाहक फोर्स गाडीले रोकिएको अवस्थामा रहेको ट्रकमा ठोक्किदा भएको दुर्घटनामा परि मृत्यु हुनेको संख्या १२ पुगेको छ । बाँकेको राप्तिसोनारी गाउँपालिका वडा नम्बर २, मा आइतबार राती सो फोर्स गाडी दुर्घटना हुँदा घट्नास्थलमै ११ जनाको निधन भएको थियो ।
सो दुर्घटनामा परि घाइते भएका २२ जना मध्ये गम्भीर रहेका १ जनाको भेरी अस्पतालमा सोमवार विहान मृत्यु भएपछि मृतक संख्या १२ पुगेको अस्पतालले जनाएको छ । नेपालगञ्जबाट सल्यानतर्फ जाँदै गरेको बा ५ ख ५९९५ नम्बरको फोर्स गाडी राप्तिसोनारी गाउँपालिकाको वडा नम्बर २, मा पर्ने कचनापुर र शमसेरगन्जको बिचमा पर्ने ठोरी जङ्गलमा रोकिराखेको बा ४ ख ९०६४ नम्बरको ट्रकमा ठोक्किदा दुर्घटना भएको छ ।
गए राती सवा १२.०० बजेतिर भएको दुर्घटनामा परी ११ जनाको घट्नास्थलमै र एक जनाको उपचारको क्रममा भेरी अस्पतालमा मृत्यु भएको छ । नेपालगञ्जको जमुनाहबाट दाङ, सल्यान र रुकुम समेतका नागरिक र चालक र सहचालक गरि उक्त बसमा ३३ जना सवार रहेको थियो ।
उहाँले मृतकहरुको सनाखत गर्ने कार्य भेरहेको छ । घाइते २१ जनाको भेरी अस्पताल नेपालगञ्जमा उपचार भइरहेको र ती मध्ये तीनजनाको अवस्था गम्भीर रहेको भेरी अस्पतालका प्रमुख डा. प्रकाश थापाले बताउनु भयो ।