अनलाईन न्युजपाटी,जनकपुरधाम ,समाचारदाता भदौ ३१ गते।
बाईक स्टन्ट जगदम्बा मोटर्स प्रा.लि.ले जनकपुरधाममा टीभीएस बाईक स्टन्ट शोको आयोजना गरेको छ । हजारौं दर्शकबीच बाइकहरू विभिन्न शैलीमा बेतोडका साथ हुइँकिएको देख्दा धेरैले आश्चर्य माने । ती बाइकमा सवार राइडरहरू भने निर्धक्कसँग हात फैलाएर वा खुट्टा मोटरसाइकलको माथि राखेर हाँसिरहेका थिए । उक्त अवसरमा अन्तर्राष्ट्रिय स्तरका ख्याती प्राप्त स्टन्टम्यानहरुले विशेष प्रकारको स्टन्ट प्रदर्शन गरेका थिए । बाइकलाई उनीहरुले विभिन्न शैलीमा कुदाएर दर्शकहरूलाई पर्याप्त मनोरञ्जन प्रदान गरे । स्टन्ट शोका क्रममा भीम होना,प्रकाश अधिकारी,सन्दिप क्षेत्री,गौरव पाठक लगायतकाले बाईक स्टन्टका विभिन्न कलाहरु प्रस्तुत गरे । बाइकलाई यसरी विभिन्न शैलीमा कुदाउनु वा उडाउनुलाई बाइक स्टन्ट भनिन्छ । जनकपुरधाममा पहिलो पटक यस प्रकारको अन्तर्राष्ट्रिय स्तरको बाइक स्टन्टको आयोजना गरिएको हो । यसबाट दर्शकहरूले निशुल्क रूपमा भरपुर मनोरञ्जन प्राप्त गरे । जनकपुरधामस्थित रामचोकमा आर्यन मोटर्सको सहयोगमा राइडर्स युनिफाइडले उक्त स्टन्ट प्रदर्शन गरेको थियो ।