अनलाईन न्युजपाटी,पर्सा ,समाचारदाता भदौ ३१ गते।
पर्साको बिन्दवासिनी गाउँपालिकामा घाँटी रेटेर एक युवकको हत्या भएको छ । घाँटी रेटेर हत्या गरेको अवस्थामा पहिचान खुल्न नसकेका अन्दाजी २५ वर्षीय युवकको शव मंगलबार दिउँसो विन्दवासिनी गाउँपालिका ५ हासवास्थित पुल नजिकै खाल्डोमा फेला परेको हो ।जिउमा सेतो कालो धर्का भएको रातो टी सर्ट, कालो जीन्स पाइन्ट र रातै जुत्ता लगाएका युवकलाई घाँटीमा धारिलो हतियार प्रहार गरि हत्या गरिएको छ ।घटना बारे अनुसन्धान भइरहेको र शवलाई पोस्टमार्टमका लागि नारायणी अस्पतालमा पठाइएको जिल्ला प्रहरी कार्यालय पर्साले जनाएको छ ।