अनलाईन न्युजपाटी,महोत्तरी ,समाचारदाता असोज २१ गते।
महोत्तरीबाट कौडी खेलाउने दुई जना पक्राउ परेका छन् । महोत्तरीको लोहरपट्टी नगरपालिका ५ बस्ने वर्ष ५८ का बिल्टु शर्मा र जिल्ला महोत्तरी औरही नगरपालिका १ बस्ने वर्ष ३० का प्रमोद मण्डललाई पक्राउ गरेको प्रदेश २ प्रहरी कार्यालयले अनलाईन न्युजपाटीलाई जानकारी दिएको छ ।सोमबार राति कौडी खेलाउँदै गर्दा प्रदेश प्रहरी कार्यालयबाट खटेको व्युरो टोलीले दुवैजनालाई नेपाली ६७ हजार र भारु ४ हजार ८ सय ५० गरी जम्मा ७१ हजार ८ सय ५० सहित पक्राउ गरेको गरेको हो ।यस्तै नगद ३० हजार रुपैयाँको काटिएको चेक समेत बरामद भएको जनाएको छ ।पक्राउ परेका दुवैजनालाई थप अनुसन्धानको लागि इलाका प्रहरी कार्यालय लोहरपट्टीमहोत्तरीमा राखिएको प्रदेश प्रहरी कार्यालयले जनाएको छ ।