अनलाईन न्युजपाटी,उदयपुर,समाचारदाता, कार्तिक २६ गते।
उदयपुरमा रुखबाट लडेर आज दिउँसो करिव ३ बजे एक महिलाको मृत्यु भएको छ । ताप्ली गाउँपालिका १ फलाँटे बस्ने ४५ बर्षीया भरि माया राई रुखबाट लडेर मृत्यु भएको हो । घर नजिकै रहेको जाल्माको रुखमा चढी घाँस झार्ने क्रममा अचानक रुखबाट लडेर घाईते भएकी राईलाई उपचारको लागि अस्पताल लैजाने तयारी गर्दै गर्दा घरमा नै मृत्यु भएको ईलाका प्रहरी कार्यालय कटारीले अनलाईन न्युजपाटीलाई जनाएको छ । घटनास्थलमा प्रहरी टोली खटि गई कानूनी प्रकृया पुरा गरी अन्य थप अनुसन्धान भईरहेको प्रहरीले जनाएको छ ।