अनलाईन न्युजपाटी,महोत्तरी,समाचारदाता, मंसिर ३० गते।
महोत्तरीमा सशस्त्र प्रहरीले भारत तर्फ चाँदी तस्करी गर्न लागेको अवस्थामा एक जना भारतीय नागरिकलाई पक्राउ गरेको छ ।भारतको विहार राज्य मधुवनी जिल्ला महरैल वाड नम्बर १० घर भएका २१ बर्षिय प्रदिप कुमार ठाकुरलाई एक किलो अवैध चाँदी सहित पक्राउ गरिएको छ । मठियानी बाट जलेश्वर तर्फ साइकलमा आइरहेको ठाकुरलाई जलसागर सशस्त्र प्रहरी बल ९ नँ गणबाट खटिएको चेक जाँच टोलीले चाँदी सहित पक्राउ गरेको छ ।चेकजाँचको क्रममा ठाकुरको साथबाट एक किलो चाँदी ,चाँदी राख्ने मोला र साइकल बरामद भएको ९ नं गणका गणपति निरकृष्ण अधिकारीले बताएका छन । पक्राउ परेका ठाकुरलाई चाँदी सहित जलेश्वर मलिवाडा भन्सार कार्यालयमा बुझायेको अधिकारीले बताएका छन ।