अनलाईन न्युजपाटी,पोखरा,समाचारदाता असोज २८ गते।
कास्की प्रहरीले पोखराका बिभिन्न स्थानबाट झन्डै ८ हजार लिटर मदिरा नियन्त्रणमा लिएको छ । पोखरा महानगरपालिका काहुँडाडा, कसेरी, काजिपोखरी र रानौपौवा लगायतका क्षेत्रहरुमा अबैध रुपमा उत्पादन तथा बिक्रि बितरण भैरहेको २ सय लिटर मदिरा र कच्चा पदार्थ १ हजार १ सय लिटर हालसालै बरामद गरिएको प्रहरीले जनाएको छ । वडा प्रहरी कार्यालय रामबजार कास्कीबाट खटिएको प्रहरी टोलीले बिभिन्न व्यक्तिहरुको घर/ पसलबाट उक्त परिमाणको तयारी मदिरा र कच्चा पदार्थ बरामद गरी मदिरा उत्पादन तथा बेचबिखन गर्ने व्यक्तिहरुलाई कारवाहीको लागी आन्तरीक राजश्व कार्यालय कास्कीमा पठाइएको प्रहरी निरीक्षक नरहरि अधिकारीले अनलाईन न्युजपाटीलाई जानकारी दिए ।
त्यसैगरी कास्की प्रहरीले साउन र भदौ महिनामा गरि १६ के.जि. मादक पदार्थ तयार गर्ने ‘मर्चा’ को साथमा ८ सय लिटर रक्सी र ५ हजार ७ सय ६० लिटर कच्चा पदार्थ बरामद गरेको उनले अनलाईन न्युजपाटीलाई जनाए ।