अनलाईन न्युजपाटी,सिमरा,समाचारदाता, असोज ३० गते।
पूर्व पश्चिम राजमार्ग अन्तर्गत निजगढ पथलैया सडक खण्डको १२ किलो भन्ने स्थानमा सवारी दुर्घटना हुँदा एक जनाको घटनास्थलमै मृत्यु भएको छ ।मृत्यु हुनेमा सर्लाही जिल्ला बरहथवा निवासी २१ वर्षिया किर्ति काफ्ले रहेको ईलाका प्रहरी कार्यालय, सिमराले जनाएको छ । सोही दुर्घटनामा परी अन्य दुई जना सामान्य घाईते भएका छन् । घाईते हुनेहरुमा मृतकका बुवा ४५ वर्षिय निरुप्रसाद काफ्ले र ९ वर्षिय भाई निश्चल काफ्ले रहेका छन् । घाईतेहरुको सिमरा स्थित अल्पाईन अस्पतालमा उपचार भईरहेको ईलाका प्रहरी कार्यालय, सिमराले जनाएको छ । सर्लाहीको बरहथवाबाट काठमाण्डौ हिडेका एकै परिवारका तीन जना सवार ना.३५ प ४२२९ नम्बरको मोटरसाईलकलाई बिपरीत दिशाबाट जाँदै गरेको ट्रकले ठक्कर दिएको घाईतेलाई उद्धृत गर्दै प्रहरीले जनाएको छ । ठक्कर दिने ट्रक सहित चालक फरार रहेको र उनको खोजी कार्य भईरहेको सिमरा प्रहरीले जनाएको छ ।