अनलाईन न्युजपाटी,काठमाडौँ,समाचारदाता, असोज ३० गते।
भक्तपुरमा गाडीको ठक्करबाट एक जना पैदल यात्रुको मृत्यु भएको छ । ओखलढुंगाको लिखु गाउँपालिका-६ घर भइ हाल मध्यपुर थिमि नगरपालिका-४ एसएस चोक बस्दै आएकी ७६ वर्षीय लक्ष्मी देवी भट्टराईको मृत्यु भएको प्रहरीले जनाएको छ ।भट्टराईलाई बिहीबार विहान करिब सवा ७ बजे एसएस चोकस्थित काठमाडौंतर्फ आउँदै गरेको बा१४च १६८६ नम्बरको बोलेरोले ठक्कर दिएको थियो । उनलाई उपचारका लागि मध्यपुर अस्पताल पुर्याए पनि चिकित्सकले मृत घोषणा गरेको महानगरीय प्रहरी परिसर भक्तपुरले जानकारी दिएका छ । गाडी चालक काभ्रे
बेथानचोक गाउँपालिका-३ घर
भइ काभ्रेकै भैसेपाटी
बस्ने २४ वर्षीय
बिनोद घिमिरेलाई महानगरीय
प्रहरी वृत्त थिमीले नियन्त्रणमा
लिएको छ ।
घटनाको थप अनुसन्धान
भइरहेको छ ।