अनलाईन न्युजपाटी,काठमाडौँ,समाचारदाता, असोज ३० गते।
महानगरिय प्रहरी बृत्त सातदोबाटोले चोरी भएको मोटरसाइकलसहित चोरलाई नियन्त्रणमा लिएको छ । ललितपुरका विभिन्न क्षेत्रबाट मोटरसाइकल तथा स्कुटर चोरी भएको भन्दै वृत्तमा उजुरी परेको थियो । प्रहरीले अनुन्धान गर्दै जाँदा २ नावालक र अम्मर तामाङसहित प्रहरीले तीन जनालाई नियन्त्रणमा लिएको हो । पक्राउ पर्नेहरुमा सर्लाही घर भई हाल इमाडोल बस्ने वर्ष १६, मकवनापुर घर भई हाल ललितपुर बोधीग्राम बस्ने वर्ष १३ का नावालक र मकवानपुर कुलेखानी घर भई हाल लगनखेल वस्ने वर्ष १९ को अम्बर तामाङ रहेका छन् ।महानगरिय प्रहरी वृत्त सातदोबाटोले दुई नावालकसँग ललितपुरको हात्तीबनबाट हराएको बा ५६ ३०८३ नम्बरको स्कुटर, भेल्पामा खडानन्दन चौलागाईको घर अगाडि पार्किङ गरेर राखेको बा ४३ प ३२५६ को स्कूटर र बा ८६ ४ ७३२५ नम्बरको स्कुटर बरामद गरेको छ ।टीकाथलीबाट चोरी भएको र चोरी गरेको मोटरसाइकलमा हिँडिरहेको अवस्थामा प्रदेश ३ ०३–००२–००४ प २६०२ नम्बरको २०० सिसीको पल्सर मोटरसाइकल तामााङकासाथबाट बरामद गरिएको महानगरिय प्रहरी वृत्त सातदोबाटोका डिएसपी गौतम मिश्रले बताए । उनीहरुलाई म्याद थप गरि आवश्यक अनुसन्धान गरिरहेको वृत्तका डिएसपी गौतम मिश्रले बताए ।