एक सय २२ जना चिनियाँ नागरिक काठमाडौंका विभिन्न स्थानबाट पक्राउ, उनीहरूलाई लिन उतैबाट चार्टर्ड जहाज आउँदै

अनलाईन न्युजपाटी,काठमाडौँ,समाचारदाता, पौष ८  गते।

नेपालमा बसेर स्वदेशमा आर्थिक अपराध गरिरहेका चिनियाँविरुद्ध प्रहरीले ‘स्विप अपरेसन’ थालेको छ। अवैध रूपमा बसेका तथा आर्थिक अपराधमा संलग्न १२२ जना चिनियाँलाई प्रहरीले सोमबार काठमाडौंका विभिन्न स्थानबाट पक्राउ गरेको छ। विदेशी नागरिक यति ठूलो संख्यामा पक्राउ परेको यो नै सबैभन्दा ठूलो अपरेसन हो। पक्राउ परेकामध्ये धेरैजसो इन्टरनेटमार्फत हुने जुवा, सट्टेबाजी र अन्य ठगीसम्बन्धी आर्थिक अपराधमा संलग्नहरू छन्। चिनियाँ प्रहरीको अनुरोधमा पक्राउ परेका उनीहरूलाई लिन उतैबाट चार्टड जहाज आउने  छ। चिनियाँहरूलाई प्रहरीले ठाउँठाउँबाट र समूह समूहमा पक्राउ गरेको छ। चिनियाँ अधिकारीले दिएको सूचीकै आधारमा मनमैजुका चार, बाँसबारीका दुई र बुढानीलकण्ठको एक घरमा छापा हानी प्रहरीले उनीहरूलाई पक्राउ गरेको हो। नेपालमा उनीहरूले अपराध गरेको नभेटिएकाले यहाँ फौजदारी अभियोगमा कारबाही हुने सम्भावना न्यून छ। उनीहरूलाई भिसासम्बन्धी कसुरमा कारबाही गरेर निष्कासन गर्ने र चिनियाँ अधिकारीलाई बुझाउने गृहमन्त्रालयलको तयारी छ। नेपाल सरकारले निष्कासन गरेपछि उनीहरूलाई एकैपटक चीन पुर्याउन उतैबाट चार्टड विमान ल्याइँदै छ। स्वदेशमै लगेर थप अनुसन्धान गर्ने चीनको तयारी छ।
 

Leave a Reply

Your email address will not be published. Required fields are marked *