अनलाईन न्युजपाटी,पोखरा,समाचारदाता, असोज २ गते
जवरजस्ती चन्दा उठाएको आरोपमा २ जनालाई कास्की प्रहरीले पोखराबाट पक्राउ गरेको छ ।
चन्दा संकलन गरीरहेको अवस्थामा बुधबार दिउसो ३ :३० बजे पोखराको हल्लनचोकबाट विप्लव समुहको अखिल क्रान्तिकारीमा आवद्ध २ युवक पक्राउ परेको कास्की प्रहरीले जनाएको हो ।
प्रहरीले पक्राउ परेकाहरुको साथबाट ने.क.पा. बिप्लव समुहको केन्द्रिय समितिको नगदी रसिद , १ लाख नगद, ४ वटा मोबाइल र एउटा मोटरसाइकल बरामद गरेको डीएसपीले बताउनुभयो ।
प्रतिवादी बिरुद्ध चन्दा ऐन सम्बन्धी कसुर अन्तरगत मुद्धा दर्ता गरी अनुसन्धान भइरहेको प्रहरीले जनाएको छ ।