अनलाईन न्युजपाटी,कैलाली,समाचारदाता, कार्तिक २० गते
कैलालीमा ट्रयाक्टरको ठक्करबाट एक जनाको ज्यान गएको छ।
जिल्लाको घोडाघोडी नगरपालिका १ स्थित घोडाघोडी ताल अगाडी भएको सवारी दुर्घटना गम्भिर घाइते भएका मोटरसाइकल चालक सुरेश लामिछानेको मृत्यु भएको हो ।
से १ च ५०८४ नम्बरको ट्याक्टरले से ५ प १७६३ नम्बरको मोटरसाइकललाई ठक्कर दिँदा बिहीबार सुखडका सुरेश लामिछाने गम्भिर घाइते भएका थिए ।
उनको घोडाघोडी अस्पतालमा उपचारको क्रममा मृत्यु भएको जिल्ला प्रहरी कार्यालय कैलालीका प्रहरी नायव उपरीक्षक प्रतिक बिष्टले जानकारी दिए ।
ट्याक्टर चालकलाई नियन्त्रणमा लिई अनुसन्धान भइरहेको प्रहरीले जनाएको छ ।