अनलाईन न्युजपाटी काठमाडौँ,समाचारदाता,मङ्सिर १७ गते
आज पीसीआर विधिबाट गरिएको पछिल्लो परीक्षणमा थप १,४९० जनामा कोरोना सङ्क्रमण पुष्टि भएको छ।
नेपालमा सङ्क्रमित सङ्ख्या दुई लाख ३६हजार २४६ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले जानकारी दिनुभयो ।
अहिलेसम्म निको हुनेको संख्या दुई लाख १८ हजार १६१जना रहेको प्रवक्ता डा. जागेश्वर गौतमले जानकारी दिएका छन्।
मन्त्रालयले पछिल्लो चौबीस घण्टामा नौजना सङ्क्रमितको मृत्यु भएको उल्लेख गरेको छ । हालसम्म नेपालमा कोरोना सङ्क्रमणबाट एक हजार ५३८ जनाको मृत्यु भएको मन्त्रालयले जनाएको छ ।