अनलाईन न्युजपाटी काठमाडौँ,समाचारदाता,पुस १ गते।
गत वर्ष चैत ११ गतेदेखि कोरोना भाइरसको सङ्क्रमणबाट बच्न बन्दाबन्दी जारी गरेदेखि बन्द रहेको पशुपति आज बिहान छ बजेदेखि भक्तजनका लागि खुला गरिएको छ ।
आराध्यदेव पशुपतिनाथको दर्शन गर्न श्रद्धालुहरु आज बिहानै पशुपतिनाथ मन्दिर पुगेका थिए । पुसको जाडोको प्रवाह नगरी भक्तजनहरु फाट्टफुट्ट पशुपतिनाथ दर्शनका लागि आइरहेका छन् ।
मन्दिरको पश्चिम ढोकोबाट भक्तजनहरुलाई प्रवेश दिइएको छ भने सोही ढोकाबाटै बाहिर निस्कने व्यवस्था मिलाइएको छ । मन्दिर प्रवेश गर्ने भक्तजनले अनिवार्य मास्क लगाउनुपर्नेछ । भने विकास कोषले हेल्थ प्रट्रोकललाई ध्यानमा राखेको छ ।
लामो समयदेखि बन्द रहेको पशुपतिनाथ आजबाट खुल्ला गरिए पनि भक्तजनले पुजा सामाग्री लगेर पुजाआजा गर्न नपाउने भएका छन् । पूजा साम्राग्रीका साथ भक्तजनले पूजाआजा गर्दा लाग्ने भीडभाडका कारण पूजा साम्रग्री लान नदिइएको पशुपति विकास कोषले जनाएको छ ।
मन्दिरभित्र हुने विशेष पूजा, भजनकिर्तनलगायत क्रियाकलाप भने अहिले सुरु नहुने कोषले जनाएको छ ।