अनलाईन न्युजपाटी काठमाडौँ,समाचारदाता,पुस १३ गते।
प्रहरीले नागढुंगाबाट दुईजना लागू औषध कारोबारीलाई पक्राउ गरेको छ ।
रौतहटबाट काठमाडौं आउँदै गरेको ना.६ख ३१८१ नम्बरको बसमा आएका उनीहरुलाई प्रहरी प्रभाग नागढुंगाको टोलीले पक्राउ गरेको हो ।
पक्राउ पर्नेमा रौतहट कटहरिया नगरपालिका घर भएका गोबिन्द प्रसाद यादव र भारतीय नागरिक साहेबलाल यादव छन् ।
उनीहरुको साथबाट १२ सय एम्पुल डाइजेपाम, सोही परिमाणको फेनारगन र नुर्फिन बरामद गरिएको महानगरीय प्रहरी वृत थानकोटका डिएसपीले बताए ।
सो लागु औषध भारतबाट ल्याएको प्रहरीको प्रारम्भिक अनुसन्धानबाट थाहा भएको छ ।