आगोले पोलेर घाइते भएकी डोम महिलाको उपचार खर्च अभाव

अनलाईन न्युजपाटी,रौतहट,समाचारदाता, पौष २१ गते।
बदलिदो मौसम चिसो बाट बच्न पराल (घुर) ताप्ने क्रममा आगोले पोलेको उपचार गर्न खर्च नभएर पिडामा रहेकी एक डोम समुदायकी महिलाले सहयोगको याचना गरेकी छिन । रौतहटको माधबनारायण नगरपालिका २ खेसरहिया घर भएकी पनवा देवी डोमले पैसा नभएको कारण उपचार गराउन सकेकी छैनन । मंसिर १७ गते राति चिसो बाट बच्न पराल आगो घुर बालेर सुतेकी पनवादेवी घुरको आगो सल्केर जलेकी थिइन । उनको पछाडीको शरिरको अधिकांश भाग जलेको छ । उपचारका लागी बिरगंज लगिएको र पैसा नभएपछि घरमा ल्याइएको रौतहटका डोमजातीका अगुवा बिजय मली डोमले अनलाईन न्युजपाटीलाई जनाएका छन । सार्वजनिक जमिनमा झुपडी बनाएर बस्दै आएकी पनवा एकल महिला हुन उनको श्रीमानको केही बर्ष अघि नै मृत्यू भएको थियो । एक्लै घरमा रहेकी उनको उपचारमा समस्या भएको छ । बिरगंजमा उपचार गराउदा ६० हजार खर्च भएको र त्यो पैसा कसरी तिर्ने भन्ने चिन्ता उनलाइ थपिएको छ । आगोले पोलेर घाइते भएकी ति महिलालाइ सहयोग गर्ने स्थानिय बिजय मली डोमले अनुरोध गरेका छन ।

Leave a Reply

Your email address will not be published. Required fields are marked *