अनलाईन न्युजपाटी कृष्णा यादव, बीरगन्ज समाचारदाता जेठ १४ गते
नारायणी क्षेत्रिय अस्पतालको मातहतमा रहेको वीरगञ्जको गण्डक अस्पतालमा उपचाररत २१ जना कोरोना सङ्क्रमित निको भएर आज डिस्चार्ज भएका छन् । दुई दिन पहिला देखी बीरगंज गण्डक स्थित रहेको गण्डक अस्पतालबाट मंगलबार राती १० बजे ३० जना कोरोनाको बिरामी मध्ये २१ जना डिस्चार्ज भएका हुन ।
उनीहरूको पच्छिलो दुई रिपोर्ट नेगेटिभ आएपछी उनीहरू डिस्चार्ज भएका हुन् । नारायणी अस्पतालको अस्थायी अस्पतालका रूपमा रही सञ्चालित गण्डक अस्पतालबाट मङ्गलबार राति २१ जना सङ्क्रमित डिस्चार्ज भएको नारायणी अस्पतालका मेडिकल सुपरिटेन्डेन्ट डा मदनकुमार उपाध्यायले जानकारी दिएकाछन।
गण्डक अस्पतालबाट आज डिस्चार्ज हुनेहरुमा ४ जना महिला र १६ जना पुरुष रहेकाछन । आज डिस्चार्ज भएका सबै महानगरपालिका वासी रहेको वीरगञ्जका मेयर विजय कुमार सरावागीले बताउनुभयो ।
‘दुई जना बाल बालिका सहित २१ जना कोरोना संक्रमित निको भएर डिस्चार्ज भएका छन्,’ मेयर सरावगीले भने, ‘डिस्चार्ज हुने सबै वीरगञ्ज महानगरपालिकाका बासिन्दा हुन् ।
गत वैशाख २७ र ३० गते कोभिड( १९ पुष्टि भएदेखि उनीहरूलाई आइसोलेसनमा राखिएको थियो । नारायणी अस्पतालको आइसोलेसन वार्डमा बेड अभाव भएकाले २१ जना संक्रमितलाई संक्रमण भएको पहिलो २ दिन घरमै सेल्फ आइसोलेसनमा राखेको थियो ।
त्यसपछि सिद्धार्थ माध्यमिक विद्यालयलाई सेमी आइसोलेसनमा परिणत गरी २१ जना संक्रमितलाई त्यहाँ राखिएको थियो । वीरगञ्ज महानगरपालिकाले यहाँको गण्डक अस्पतालसँग सम्झौता गरी त्यसलाई अस्थायी कोभिड अस्पताल बनाएपछि गत वैशाख ७ गते देखी सिद्धार्थ माविको सेमी आइसोलेसनबाट २१ जना संक्रमितलाई सारिएको थियो ।
गण्डक अस्पताल अहिले नारायणी अस्पताल अन्तरगत अस्थायी कोभिड अस्पतालको रूपमा सञ्चालन भइरहेको छ । अस्थायी अस्पतालमा ३० जना संक्रमित भर्ना भएका थिए । ‘२१ जना डिस्चार्ज भएपछि अब ९ जना कोरोना संक्रमित मात्र गण्डक अस्पतालको आईसोलेशनमा रहेको बीरगंज माहानगरपालिकाका मेयर बीजय कुमार सरावगिले बताउनुभयो । ‘उनीहरूमा पनि कोरोनाको कुनै लक्षण नदेखिएको र स्वास्थ्य अवस्था सामान्य रहेको छ ।
यसअघि नारायणी अस्पतालको आइसोलेसन वार्डमा भर्ना भएका ७२ जना कोरोना संक्रमित निको भएर घर फर्किसकेका छन् । सबै संक्रमित डिस्चार्ज भइसकेकाले नारायणी अस्पताल कोरोना मुक्त भइसकेको छ । नारायणी अस्पतालमा पुनः जेनरल सेवा चाडै दुई चार दिनमा सुचारु गर्ने तयारी भइरहेको मेयर सरावगीले बताउनुभयो ।