भेन्टिलेटरको रकम फ्रिज मेयर गरायो, पुष्टि गर्न नसके राजनितिबाट सन्यास लिने:- पुर्वमन्त्री राईको चेतावनी

अनलाईन न्युजपाटी,नेपालगन्ज,समाचारदाता, भदौ १३  गते

संघिय साँसद तथा पूर्वमन्त्री मोहम्मद ईस्तियाक राईले नेपालगन्ज उपमहानगरले आफ्नो सम्पर्क मन्त्रालयको निर्देशनलाई ठाडै बेवास्ता गरेर भेरी अस्पतालका लागि दिइएको डेढ करोड रुपियाँ जानी जानी फ्रिज गराएको दावी दोहोर्याउनु भएको छ ।

आफ्नो कुरा पुष्टि गर्न नसके राजनितिबाट सन्यास लिने घोषणा पुन दोहोरयाँदै उहाँले स्थानीय पुर्वाधार विकास साझेदारी कार्यक्रमको डेढ करोड रुपियाँ मेयरकै कारण फ्रिज भएको प्रष्ट पार्नु भएको छ ।

हाँले संघीय मामिला तथा सामान्य प्रशासन मन्त्रालयले उपमहानगरलाई २०७७।०३।०७ गते पठाएको चलानी नं ५६८ को पत्रको बुंदा नम्बर १ को कार्यान्वयनमा उपमहानगरले जानी जानी बेवास्ता गरेको कुरा बाटै अस्पताललाई दिएको रकम फ्रिज गराउन खोजेको प्रमाणि भएको बताउनुभयो ।

संघीय मामिला तथा सामान्य प्रशासन मन्त्रालयद्धारा मिति २०७७।०३।०७ गते देशभरिका सबै स्थानीय तहलाई पठाइएको चलानी नं ५६८ को पत्रको बुंदा नम्बर १ मा लेखिएको छ –“प्रमुख प्रशाकीय अधिकृतले स्थानीय पुर्वाधार विकास साझेदारी कार्यक्रम अन्तर्गत आफ्नो गाउँपालिका तथा नगरपालिकामा विनियोजन भएको रकम मध्ये बचत हुने रकम यकिन गरि कार्यक्रम निर्देशक समितिका संयोजक र जिल्ला समन्वय समितिलाई जानकारी गराउने ।”

खर्च नभएको रकमका बारेमा जानकारी गराउनु भनि मन्त्रालयले असार ७ गते पठाईएको पत्रलाई बेवास्ता गरेर उपमहानगरले बचत भएको रकमको बारेमा जानकारी नगराउनु बाटनै सो रकम फ्रिज गराउने षडयन्त्र रहेको कुराको पुष्टि गरेको सांसद राईले बताउनुभयो ।

सैगरि मन्त्रालयको सोही पत्रको बुंदा नम्बर ३ मा लेखिएको छ –“कार्यक्रम निर्देशक समितिका संयोजकले निनर्देशक समितिका अन्य सदस्यहरुसंंग समन्वय गरि कोभिड १९ को रोकथाम, नियन्त्रण निदान र उपचारका लागि गर्नुपर्ने क्रियाक्लाप र उपलब्ध हुने बजेट उल्लेख गरि सम्बन्धित गाउँपालिका, नगरपालिका र जिल्ला ससमन्वय समितिलाई लिखित रुपमा जानकारी दिने ।”

पुर्वमन्त्री राईले आफुले मन्त्रालयको निर्देशनको पालना गर्दै बचत भएको रकम निर्देशक समितिबाट कुन क्रियाक्लापमा खर्च गर्ने हो र बजेट कति हो त्यस्को निर्णय गरेर उपमहानगरलाई लिखित जानकारी गराएपनि मेयरले संयोजकले त्यस्तो गर्ने अधिकार नरहेको बताएर झनै जनतालाई अलमल मा पार्न खोजेको बताउनुभयो ।

उहाँले असार ८ गते प्रकाशित राजपत्रको आधा सुचना वितरण गरेर स्थानीय नागरिकलाई झुक्याउन खोजेको बताउँदै पुरा सुचना अध्ययन गरेपछि सबै कुरा प्रष्ट हुने भएकोले सुचनाको दुबै पाना अध्ययन गरिदिन आग्रह गर्नु भएको छ ।

उपमहानगर प्रमुख धवल शमसेर राणाले आफ्नो गल्ती लुकाउन जे जति उपाय गरेपनि संघीय मामिला तथा सामान्य प्रशासन मन्त्रालयको पत्रमार्फत को सही र को गलत भन्ने प्रष्ट भएको पाईन्छ ।

शुक्रवार मेयर राणाले पत्रकार भेटघाट गरेर आफ्नो कार्यक्षेत्रमा सांसदले हस्तक्षेप गरेको आरोप लगाउँदै क्रियाक्लाप तोकेर बजेट पठाएको निर्णय गर्न नमिल्ने जिकिर गरेका थिए ।

त्यसको जवाफ दिदै सांसद राईले आफुलाई कार्यक्षेत्रको राम्रो हेक्का रहेको भन्दै सम्झाउन आवश्यक नरहेको बताउनु भएको छ । सामाजिक संजाल फेसबुकमा आफ्नो भनाई सार्वजनिक गर्दै साँसद राईले अर्काको कार्य क्षेत्रमा हस्क्षेप गरेको टिप्पणी गरी ज्ञानी र अज्ञानीको प्रमाण पत्र बाडनु भन्दा आफनो सम्पर्क मन्त्रालयको पत्र अध्ययन गर्न नेपालगन्ज उपमहानगरका मेयरलाई सुझाव समेत दिनु भएको छ।

यसैविच अस्पताल विकास समितिका अध्यक्ष प्रमोद धितालले बचत भएको रकमको बारेमा सांसद राईले योजना शंसोधन गरेर गरेको निर्णय विधिसम्मत रहेको सामाजिक सञ्जाल मार्फत बताउनु भएको छ। विहिबार पनि उहाँले उपमहानगरको बेवास्ताले गर्दा डेढ कररोड फ्रिज भै भेन्टिलेटर खरिदबाट बन्चित भएको बताउनु भएको थियो ।

Leave a Reply

Your email address will not be published. Required fields are marked *