अफगानिस्तान र तालिबान लडाकूबीच भिषण युद्ध जारी

अनलाईन न्युजपाटी एजेन्सी,समाचारदाता, असोज २८ गते

अफगानिस्तानका विद्रोही समूह तालिबानका लडाकूले गरेको पछिल्लो आक्रमणमा कम्तीमा १६ जना सुरक्षाकर्मी मारिएका छन् । स्रोतहरुका अनुसार आक्रमणबाट १० जनाभन्दा बढी सुरक्षाकर्मी घाइते भएका छन् ।

बाघलान प्रान्तको गोजारगाह–ए–नूर जिल्लाको एक सुरक्षा जाँच चौकीमा तालिबानले आक्रमण गरेको अफगान रक्षा मन्त्रालयले जनाएको छ । मन्त्रालयका अनुसार नजिकै रहेको प्रान्तीय प्रहरी मुख्यालय नजिक पनि भिडन्त भइरहेको छ ।

बुधबार यो हिंस्रक संघर्षको तेस्रो दिन हो । अफगान सैनिक रणनीतिक रुपमा महत्वपूर्ण प्रान्तको राजधानी लश्कर गाहलाई तालिबानको हमलाबाट बचाउने कोसिस गरिरहेको छ ।

गत महिना अफगानिस्तान सरकार र तालिबानबीच शान्ति वार्ता सुरु भएको थियो । त्यसपछि दुबै पक्षबीच पहिलो पटक लडाईं सुरु भएको छ ।

भारी हिंसाबीच हेलमन्द र छिमेकी कांधार प्रान्तमा बिजुलीको आपूर्ती बन्ध छ । तालिबानले यहाँ सोमबार एक पावर सब–स्टेशनमा हमला गरेको थियो ।

थुप्रै दूर संचार नेटवर्क पनि ठप्प भएको छ । हालसम्म करिब ५ हजार परिवार वा लगभग ३५ हजार मानिसहरु आफ्नो घरबाट भाग्नुपरेको छ । यीमध्ये कति मानिसहरुले छिमेकमा शरण लिएको खबर छ ।

उक्त हमलाका बारेमा थप विवरण आउन बाँकी रहेको छ ।

Leave a Reply

Your email address will not be published. Required fields are marked *