अनलाईन न्युजपाटी जनकपुरधाम,समाचारदाता,माघ १५ गते।
अख्तियार दुरुपयोग अनुसन्धान आयोगले छापा मारेपछि यातायात व्यवस्था कार्यालय जनकपुरधामले चालक अनुमति पत्रको लिखित तथा प्रयोगात्मक परीक्षा स्थगित गरेको छ ।
कार्यालयले बुधबार (माघ १४ गतेदेखि १६ गतेसम्म) हुने भनिएको परीक्षा अनिश्चितकालका लागि स्थगित गरेको हो ।
बुधबार कार्यालयका निमित प्रमुख विरेन्द्र साहले एक सूचना प्रकाशितगरी अर्को सूचना प्रकाशन नहुञ्जेलसम्मका लागि परीक्षा स्थगित गरिएको जानकारी दिएका छन् ।
सवारी चालक परिचय–पत्र वापत् उठाएको घूसको रकम कार्यालयभित्रै रहेको गोप्य सूचनाको आधारमा अख्तियारको बर्दिबास कार्यालयबाट खटेको टोलीले छापा मारेको थियो ।