धनुषामा बालिका बलात्कारको आरोपमा २ जना पक्राउ

अनलाईन न्युजपाटी जनकपुरधाम,समाचारदाता,माघ ३० गते।

बालिका बलात्कारको आरोपमा धनुषामा २ जना पक्राउ परेका छन्

पक्राउ पर्नेमा मुस्कान खातुन र शम्भु भनिने ओमनारायण यादव छन् ।

प्रहरीका अनुसार मुस्कान खातुनले बालिकालाई आफ्नै कोठामा बोलाएर विभिन्न प्रलोभन र डर देखाएर यादवबाट बलात्कार गर्न लगाएका थिए । खातुन लक्ष्मीनियाँमा कोठा भाडामा लिएर बस्दै आएकी थिइन् ।

पटक–पटकको बलात्कारपछि बालिका गर्भवती भएपछि घटनाबारे परिवारले थाहा पाएको थियो ।

प्रहरीमा जाहेरी परेपछि जिल्ला अदालतबाट पक्राउ अनुमति लिएर फरार रहेका खातुन र यादवलाई बिहीबार राति धनुषाको लक्ष्मिनियाँ गाउँपालिका वडा नम्बर ४ स्थित बाटोबाट नियन्त्रणमा लिइएको उनले बताए ।

पक्राउ परेका दुबै जनामाथि मानव बेचबिखन तथा जबरजस्ती करणी मुद्दा दर्ता गरी थप अनुसन्धान भइरहेको जिल्ला प्रहरी कार्यालय धनुषाले जनाएको छ ।

Leave a Reply

Your email address will not be published. Required fields are marked *