गैंडा मारी खाग विक्री गरेको अभियोगमा थप तीन जना चितवनबाट पक्राउ

अनलाईन न्युजपाटी चितवन,समाचारदाता,फागुन १३ गते।

दुर्लभ एक सिंगे गैंडा मारी खाग विक्री गरेको अभियोगमा थप तीन जना चितवनमा पक्राउ परेका छन् ।

प्रहरी प्रधान कार्यालय केन्द्रीय अनुसन्धान ब्युरो महाराजगन्जबाट खटिएको प्रहरी टोलीले फरार रहेका थप तीन जना प्रतिवादीहरुलाई पक्राउ गर्न सफल भएको हो ।

पक्राउ पर्नेमा काठमाडैंको धापासीबाट सल्यान शारदा नगरपालिका–५ बस्ने ३१ वर्षीय पुरन रेउले र सितापाईलाबाट काभ्रे मन्डन देउपुर नगरपालिका–१० ज्यामिरे बस्ने ४८ वर्षीय आइत तामाङ र रसुवा साविक सरमथली गाविस–६ हाल नौकुण्ड गाँउपालिका–३ वस्ने ३६ वर्षीय ज्ञानबहादुर रुम्वा रहेका छन् । ब्युरोले उनीहरुले गैंडाको खाग ओसारपसार एवं खरिद बिक्री गर्न प्रयोग गरेको ना २ च १४५८ नम्बरको गाडी समेत बरामद गरेको छ ।

पक्राउ परेका र उनीहरुबाट बरामद सामानलाई आवश्यक कानुनी कारबाहीका लागि चितवन राष्ट्रिय निकुञ्ज कार्यालय कसरामा राखिएको छ ।

Leave a Reply

Your email address will not be published. Required fields are marked *