मध्य प्रदेशमा आज ५४ जना यात्रु बोकेको बस नहरमा खस्दा १८ जनाको मृत्यु

अनलाईन न्युजपाटी एजेन्सी,समाचारदाता, फागुन ४ गते।

भारतको मध्य प्रदेशमा आज  ५४ जना यात्रु बोकेको बस नहरमा खस्दा १८ जनाको ज्यान गएको छ ।

आज बिहान साढे ७ बजे मध्यप्रदेश रामपुर नैकिन क्षेत्रमा ५४ यात्रु बोकेको बस पुलबाट नहरमा खसेको हो । सिधीबाट सतना गइरहेको बस साइड लगाउने क्रममा पुलबाट बाणसागर परियोजनाको नहरमा खसेको भारतीय सञ्चारमाध्यमले जनाएका छन् ।

अहिलेसम्म नहरबाट १८ भन्दा बढीको शव निकालिएको भारतीय सञ्चारमाध्यमले जनाएका छन् ।

स्थानीय जनता, गोताखोर र सुरक्षाकर्मीहरुले अहिले घटनास्थलमा उद्धार गरिरहेका छन् ।

मध्यप्रदेशका मुख्यमन्त्री शिवराज सिंह चौहानले उद्धार कार्यलाई सहज बनाउन नहरको पानी रोक्न अधिकारीहरुलाई आदेश दिइसकेका छन् ।

Leave a Reply

Your email address will not be published. Required fields are marked *