नयाँ दिल्लीमा पुनः आजबाट रात्रिकालीन कर्फ्यु

अनलाईन न्युजपाटी एजेन्सी,समाचारदाता,पुस १२ गते।  

कोरोना भाइरसको सङ्क्रमण निरन्तर बढ्न थालेपछि भारतको राजधानी नयाँ दिल्लीमा पुनःआजबाट रात्रिकालीन कर्फ्यु लगाइएको छ ।

ओमिक्रोन भेरिअन्टसँग जोडिएका सङ्क्रमणका घटना वृद्धि भएपछि यस्तो घोषणा गरिएको हो।

दिल्ली सरकारले राति ११ बजेदेखि बिहान ५ बजेसम्म कर्फ्यु लगाउने निर्णय गरेको हो।

पछिल्लो २४ घण्टामा दिल्लीमा २९० जना नयाँ सङ्क्रमित फेला परेका छन् । दिल्लीमा उक्त सङ्ख्या पछिल्लो ६ महिनायताकै सर्वाधिक भएको बताइएको छ । थप संक्रमण फैलन नदिन दिल्ली सरकारले प्रतिबन्धात्मक कार्यहरु थालेको हो ।

संक्रमण रोक्न दिल्लीबाहेक अरू कैयौँ भारतीय राज्यले पनि रात्रिकालीन निषेधाज्ञा लगाइरहेका छन् ।

Leave a Reply

Your email address will not be published. Required fields are marked *