अनलाईन न्युजपाटी काठमाडौँ,समाचारदाता,जेठ २१ गते।
दाङबाट खैरो हेरोइनसहित २ जना पक्राउ परेका छन् ।
प्रहरीले उनीहरूलाई गए राति घोराहीमा रहेको सुप्रिम होटेल एण्ड फास्ट फुड नास्ता पसलमा कारोबार गर्दै गर्दा पक्राउ गरेको जनाएको छ ।
पक्राउ पर्नेमा रुकुमको पुथा–उत्तरगंगा गाउँपालिका–७ का २० वर्षीय विशाल बुढामगर र घोराही उपमहानगरपालिका–१६ का ३० वर्षीय रमेश पुनमगर रहेका छन्।
पक्राउ परेका दुवै जनाको साथबाट प्रहरीले ६ वटा प्लास्टिकको टुक्रामा राखेको २ ग्राम ३० मिलिग्राम खैरो हेरोइन बरामद गरेको जनाएको छ ।
घटनाबारे थप अनुसन्धान सुरु गरेको प्रहरीले जनाएको छ ।