मधेश प्रदेशको बजेट आज आउदै

अनलाईन न्युजपाटी,जनकपुरधाम,समाचारदाता,असार १ गते।

मधेश प्रदेशको बजेट आज आउदै छ । प्रदेशसभा सचिवालयमा अर्थमन्त्री शैलेन्द्र प्रसाद साहले दिउँसो ४ बजेदेखि आथिर्क वर्ष ०७९/८० को बजेट प्रस्तुत गर्ने भएको छ ।

सरकारले करिव ४२ अर्बको हाराहारीमा बजेट ल्याउने तयारी गरेको छ । आउने बजेटको आकार चालु आर्थिक वर्षभन्दा झण्डै ८ अर्बभन्दा बढी रहने बताइएको छ । चालु आर्थिक वर्षमा सरकारले ३८ अर्बको बजेट ल्याएका थिए । आगामी बजेटमा कोरोना महामारी, वेरोजगारी जस्ता समस्याका कारण करको दायरा फराकिलो गरिएको छैन् । जनतालाई सहज हुने गरी उत्पादनमूलक क्षेत्रमा बढी लगानी गर्ने गरी बजेट बनाइएको सरकारका प्रतिनिधिहरुको भनाई छ । आगामी आर्थिक वर्षको लागि संघीय सरकारले १९ अर्ब बजेट प्रदेश सरकारलाई उपलब्ध गराएको छ । ११ अर्ब रकम आन्तरिक राजस्व बाडफाँटबाट प्राप्त भएको छ ।

चालु आर्थिक वर्षमा खर्च हुन नसकेको ८ अर्ब समेत गरी ३८ अर्ब रकम रहेको छ । यस्तै, चार अर्बको हाराहारीमा आन्तरिक राजस्वबाट असुल भइ आएको रकम गरी करिव ४२ अर्बको हराहारीमा बजेट आउने अनुमान गरिएको छ ।

Leave a Reply

Your email address will not be published. Required fields are marked *