पाकिस्तान एसिया कप क्रिकेटको फाइनलमा प्रवेश, अफगानिस्तान र भारत बाहिरियो

अनलाईन न्युजपाटी ,काठमाडौँ,समाचारदाता,भदौ २३ गते।

युएईमा जारी एसिया कप टी-२० क्रिकेटको फाइनलमा पाकिस्तान प्रवेश गरेको छ । बुधबार राति भएको खेलमा पाकिस्तानले अफगानिस्तानलाई १ विकेटले हराउँदै फाइनलमा स्थान बनाएको हो ।

अफगानिस्तानले दिएको १३० रनको लक्ष्य पछ्याएको पाकिस्तानले १९ ओभर २ बलमा ९ विकेट गुमाउँदै लक्ष्य पूरा गर्यो ।

पाकिस्तानका लागि शादब खानले सर्वाधिक ३६ रनको योगदान गरे । त्यस्तै इथफिकर अहमदले ३० रन बनाउँदा मोहमद रिजवानले २० रनको योगदान गरे ।  अफगानिस्तानका लागि फाजाहक फारोइक र फारेद अहमेदले समान तीन–तीन विकेट लिए ।  त्यस्तै रासिद खानले दुई विकेट लिए ।  यसअघि पहिले ब्याटिङ गरेको अफगानिस्तानले २० ओभरमा ६ विकेट गुमाएर १२९ रन बनाएको थियो ।

अफगानिस्तानका लागि इब्राहिम जर्दानले सर्वाधिक ३५ रनको योगदान गरे ।  त्यस्तै जाहिजले २१ रन बनाउँदा रासिद खानले १८ रनको योगदान गरे ।  पाकिस्तानका लागि हरिस राउफले दुई विकेट लिए । यो जितसँगै पाकिस्तान फाइनलमा पुगेको छ ।  अफगानिस्तान र भारत बाहिरिएको छ ।

Leave a Reply

Your email address will not be published. Required fields are marked *