अनलाईन न्युजपाटी ,काठमाडौँ,समाचारदाता, वैशाख ३ गते।
एसीसी प्रिमियर कपमा नेपालले आज हङकङसँग खेल्दैछ ।
खेल नेपाली समयअनुसार, बिहान ११: ४५ बजे सुरु हुनेछ ।
यसअघि शुक्रबार खेलिएको आफ्नो पहिलो खेलमा नेपालले मलेसियालाई पाँच विकेटले हराएको थियो । नेपाली टोलीले शनिबार खेलिएको आफ्नो दोस्रो खेलमा कतारलाई ३२ रनले पराजित गरेको थियो ।
नेपाल र हङकङबीच ९ टी–२० आई खेल भएका छन् । दुबै टोली समान ४ खेलमा विजयी हुँदा एक खेल वर्षाको कारण रद्द भएको थियो । पछिल्ला पाँच भेटमा नेपाल २ खेलमा विजयी हुँदा २ खेलमा पराजित भएको थियो ।