अनलाईन न्युजपाटी एजेन्सी ,समाचारदाता, चैत्र १५ गते
आईपीएलमा बिहीबार राती भएको खेलमा लखनउ सुपर जायन्ट्सले सनराइजर्स हैदराबादलाई ५ विकेटले हराएको हो ।
हैदराबादले दिएको १९१ रनको लक्ष्य लखनउले १६.१ ओभरमा ५ विकेटको क्षतिमा पूरा गर्यो ।
लखनउका पूरनले २६ बलमा ६ चौका र ६ छक्कासहित ७० रन बनाए । मार्शले ३१ बलमा ७ चौका र २ छक्कासहित ५२ रन बनाए । अब्दुल समाद २२ र डेभिड मिलर १३ रनमा अविजित रहे । कप्तान रिषभ पन्तले १५ रन बनाए ।
त्यसअघि टस हारेर ब्याटिङको निम्तो पाएको हैदराबादले २० ओभरमा ९ विकेट गुमाएर १९० रन बनाएको थियो ।
योसँगै लखनउले २ खेलबाट २ अंक जोड्दै दोस्रो स्थानमा उक्लिएको छ ।