अनलाईन न्युजपाटी,जनकपुरधाम,समाचारदाता,चैत्र १९ गते।
धनुषाको कुर्थादेखि भारतको जयनगरसम्म नियमित रुपमा रेल सेवा सञ्चालनका लागि सबै तयारी पूरा भएको छ ।
आज भारतको नयाँ दिल्ली स्थित हदराबाद भवनबाट दुई देशका प्रधानमन्त्री संयुक्त रुपमा झण्डा हल्लाएर जनकपुर जयनगर रेल्वेको समुदघाटन गर्ने कार्यक्रम तय भएको छ ।
उद्घाटन गरेको हेर्नलाई दुई वटा प्रोजेक्टर जडान गरिएको छ ।
जनकपुर रेल्वे स्टेशनमा सो अवसरमा विशेष कार्यक्रम राखिएको छ । शनिवारको कार्यक्रमलाई केन्द्रित गर्दै संघीय सरकारकी भौतीक पुर्वाधार तथा यातायात मन्त्री रेणु यादव समेत जनकपुर आइपुगेकी छन् । जनकपुर रेल्वे स्टेशनमा रेल आएपछि मन्त्री यादव त्यसमा चढेर कुर्था स्टेशनसम्म पुग्ने छिन् ।
फर्किने बेला फेरि पुरानो स्टेशनमा मन्त्री यादव ओर्लिने र त्यहाँ केहीबेरको कार्यक्रमपश्चात रेल जयनगर फर्किने छ।
आज उदघाटनको अवसरमा यात्रुले निःशुल्क रेल चढ्न पाउने छन् ।
उदघाटन पश्चात जनकपुरधामको कुर्थास्टेशन देखि भारत विहारको जयनगरसम्म नेपाल रेलले यात्रुलाई सेवा प्रदान गर्ने छ ।
रेल चलाउनका लागि २६ जना भारतीय प्राविधिक कर्मचारी आइसकेका छन् । पहिलो चरणमा अहिले ५९ नेपाली कर्मचारी राखिएको महाप्रबन्धक झाले बताए ।