अनलाईन न्युजपाटी,सिरहा,समाचारदाता,कार्तिक ९ गते।
सिरहामा चितुवाको छालासहित एकजना पक्राउ परेको छ। पक्राउ पर्नेमा लहान नगरपालिका वडा नं. १७ तरेगनाका ३७ वर्षीय शिव कुमार राम रहेको सिरहाका प्रहरी प्रवक्ता प्रहरी नायव उपरिक्षक अपिलराज बोहराले जनाएका छन्।गोप्य सूचनाको आधारमा शनिवार करिब साढे १२ बजेको समयमा जिल्ला प्रहरी कार्यालय सिरहाबाट खटेको सादा पोसाकको टोलीले लहान नगरपालिका वडा नं. १ स्थित रहेको गोपाल सेवा सदनको कोठा नं. ६ बेचबिखनको लागि रहेको अवस्थामा रामलाई दुई वटा चितुवाको छाला सहित पक्राउ गरेको प्रहरी प्रवक्ता बोहराले जानकारी दिए।रामलाई सामान सहित नियन्त्रणमा लिई जिल्ला प्रहरी कार्यालय सिरहामा ल्याई थप अनुसन्धान थालेको सिरहा प्रहरीले जनाएको छ।