अनलाईन न्युजपाटी,काठमाडौँ ,समाचारदाता, भदौ ९ गते ।
इभेन्ट एण्ड भेनु एसोसियसन अफ नेपाल ले नवौं वार्षिकोत्सवको अवसर पारेर रक्तदान तथा सरसफाइ कार्यक्रम सम्पन्न गरेको छ । साधारणसभाको पूर्वसन्ध्यामा आयोजित सरसफाइ कार्यक्रममा पूर्वउद्योगमन्त्री तथा कांग्रेस केन्द्रीय सदस्य नविन्द्रराज जोशीको प्रमुख आतिथ्यमा स्वयम्भुमा सरसफाइ कार्यक्रम सम्पन्न भएको थियो ।करिब ६५ जना व्यवसायीको उपस्थितिमा मन्दिरको चारैतिर सरसफाइ कार्यक्रम सम्पन्न भएको प्रचार प्रसार संयोजक कृष्णप्रसाद पाण्डेले जानकारी दिए । इभाका उपाध्यक्ष तेविन्द्ररत्न शाक्यको संयोजकत्वमा सरसफाइ कार्यक्रम सम्पन्न भएको थियो । त्यसअघि पुरानो बानेश्वरमा रक्तदान कार्यक्रम सम्पन्न भएको थियो । पार्टी प्यालेसका प्रतिनिधि, सर्वसाधारणबाट रक्तदान गरिएको थियो । ५१ पिन्ट रगत संकलन गरिएको पाण्डेले जानकारी दिए ।
यस संस्थाले स्थापनादेखि नै विभिन्न सेवामुलक कार्यक्रम पनि गर्दै आएको उनले जानकारी दिए ।